- પૂર્ણો રાજનીતિ
લોકસભાના ભૂતપૂર્વ સ્પીકર પી.એ. સંગમા ભાજપ, અન્નાદ્રમુક અને બીજુ જનતાદળ વતી રાષ્ટ્રપતિપદની ચૂંટણી લડી ચૂક્યા છે. મેઘાલયની ગત વિધાનસભા ચૂંટણીમાં તેમના પક્ષને અપેક્ષા મુજબની સફળતા ભલે ન મળી, પરંતુ સંગમા ઊર્જાવાન છે. તેમની ભવિષ્યની રાજનીતિ અંગે વિચારણા કરવા માટે તેઓ ગયા સપ્તાહે ત્રણ દિવસ સુધી નાગપુરમાં હતા. આશા છે કે હવે તેનાથી પૂર્વોત્તરની રાજનીતિમાં તોફાન આવશે.
- પોતાની નોકરી, પોતાનો રાગ
પોતપોતાની ડફલી તો રાજનીતિમાં બધા વગાડે છે, અને બાકી વિસ્તારોની જેમ આ ડફલી પણ પોતપોતાની નોકરી બચાવવા માટે વગાડવામાં આવે છે. હવે ખાદ્ય સુરક્ષા કાયદો અને જમીન સંપાદન બિલને જ જુઓ. તેનાથી અસંમત લોકો પણ છે, જે ચૂપ છે અને એવા લોકો પણ છે જે તેનાથી સંમત છે, હતા, કે હોઈ શકે છે, પરંતુ નોકરીને ખાતર વિરોધમાં છે. જેમ કે જયરામ રમેશ જમીન સંપાદન બિલથી ઉદ્યોગજગતને સંમત-સંતુષ્ટ કરાવવા માટે ફિક્કી પાસે ગયા. તેમની નજરમાં રમેશે ફિક્કીને મનાવી લીધું હતું. ફિક્કીના અનેક વર્ષો સુધી મહામંત્રી રહી ચૂકેલા અમિત મિત્રા હાલમાં પશ્ચિમ બંગાળના નાણામંત્રી છે. મમતા બેનરજી આ કાયદાના વિરોધમાં હતાં અને એટલે અત્યાર સુધી અમિત મિત્રા પણ આ બિલનો વિરોધ કરતા હતા. જયરામ રમેશે તેના પર ભારે કટાક્ષ પણ કર્યા. જોકે મિત્રાની મજબૂરી પણ તેઓ સમજે છે.
- રાષ્ટ્રપતિની ઉત્સુકતા
રાષ્ટ્રપતિ પ્રણવ મુખરજીની નજર પણ આ બે બિલ પર લાગેલી હતી. સમાચાર એ છે કે રાષ્ટ્રપતિએ આ બિલ પર ચાલેલી ચર્ચા ટીવી પર ધ્યાનપૂર્વક તેમણે સાંભળી. જમીન સંપાદન બિલ તો રાજ્યસભામાંથી પસાર થયા બાદ લોકસભામાં રજુ કરવાની મંજુર માટે રાષ્ટ્રપતિ પાસે પહોંચ્યું, ત્યારે તેને ૧૨ કલાકમાં જ મંજુરી મળી ગઈ. સામાન્ય રીતે રાષ્ટ્રપતભિવન આવી ફાઈલ આગળ વધારવામાં એક દિવસનો સમય લેતું હોય છે.
0 comments:
Post a Comment